O‘zbekistonning Buyuk Britaniyadagi fuqarolari parlament saylovida qayerda ovoz bera olishadi?
O‘zbekiston Respublikasining London shahridagi Elchixonasi 2019-yil 22-dekabr kuni O‘zbekiston Oliy Majlisi Qonunchilik palatasiga saylov bo‘lib o‘tishini ma’lum qiladi.
O‘zbekiston Markaziy saylov komissiyasining qaroriga ko‘ra mamlakatimizning Buyuk Britaniyadagi Elchixonasi huzurida 26-saylov uchastkasi tuzilib, u Oliy Majlisi Qonunchilik palatasi deputatlari saylovini o‘tkazuvchi 140-Darxon saylov okrugiga biriktirildi. Saylov uchastkasining manzili: 41 Holland Park, London W11 3RP. Telefon raqami: +44 (0) 207-229-7679, elektron pochtasi: info@uzembassy.uk, consul@uzembassy.uk.
Mamlakatimiz fuqarolarining saylov huquqini ta’minlash maqsadida uchastka saylov komissiyasi 15-dekabr kuni soat 9:00 dan 18:00 gacha Bornmut (Bournemouth) shahrida zich yashaydigan O‘zbekiston fuqarolari uchun muddatidan oldin ovoz berishni tashkillashtiradi. Ovoz berish 5 Meyrick Road, East Cliff, Bournemouth BH1 3DP manzilida joylashgan Britannia Hotel mehmonхonasi binosida o‘tkaziladi.
Ovoz berishda ishtirok etish uchun saylovchi shaxsini tadiqlovchi hujjatni (passport – nobiometrik, biometrik, xorijga chiqish uchun yoki diplomatik, harbiy guvohnoma, O‘zbekiston Respublikasiga qaytish guvohnomasi) taqdim qilishi zarur.
