18-dekabr kuni Vena, Bratislava va Budapeshtda O‘zbekiston fuqarolarining muddatidan oldin ovoz berishi yakunlandi
2019-yilning 18-dekabr kuni soat 18:00 da (Toshkent vaqti bilan soat 22:00 da) O‘zbekiston Respublikasining Avstriyadagi Elchixonasi huzurida tashkil etilgan va Toshkent shahridagi 140-Darxon saylov okrugiga biriktirilgan 13-saylov uchastkasida Oliy Majlis Qonunchilik palatasi deputatlari saylovida muddatidan oldin ovoz berish yakunlandi.
Elchixona bergan ma’lumotga ko‘ra 12-18-dekabr kunlari parlament saylovida muddatidan oldin ovoz berish bevosita saylov uchatkasida hamda uchastka saylov komissiyasi a’zolari ishtirokida Bratislava (Slovakiya) va Budapesht (Vengriya) shaharlarida tashkil etildi. Ta’kidlanganidek, elektoratning asosiy qismini yoshlar tashkil etib, ular vatanda yuz berayotgan demokratik jarayonlarda ishtirok etish maqsadida muddatidan oldin ovoz berish punktlariga uzoq mintaqalardan ham tashrif buyurishdi.
22-dekabr kuni saot 8:00 dan 20:00 gacha Avstriya, Slovakiya, Vengriya, Chernogoriya, Serbiya, Makedoniya, Sloveniya, Bosniya va Gersegovina, Xorvatiyada bo‘lib turgan O‘zbekiston fuqarolari quyidagi manzil bo‘yicha 13-saylov uchastkasida ovoz bera olishadi: Poetzleinsdorferstrasse 49, A-1180, Wien. Tel.: +43-1 315-39-94, +43-1 315-39-95.
