Turkiyada bo‘lib turgan O‘zbekiston fuqarolari diqqatiga

2020-yilning 16-mart kuni O‘zbekistonning Turkiyadagi Elchixonasi va Istanbul shahridagi Bosh konsulxonasi “Istanbul-Toshkent” yo‘nalishi bo‘yicha charter reyslar uchun hamyurtlarimiz ro‘yxatlarini shakllantirish jarayonini boshladi.

Shu munosabat bilan diplomatik vakolatxonalar vatandoshlarga pasport va chipta nusxalarini hamda telefon raqamlarini +90 537 668 49 60 (Telegram va Whatsap messenjerlari)ga taqdim etishlarini so‘raydi.

Charter reyslar uchun ro‘yxatdan o‘tish va vatanga qaytish Bosh konsulxona tomonidan “Uzbekistan Airways” aviakompaniyasi vakillariga taqdim etilgan ro‘yxatlarga muvofiq amalga oshiriladi.

Ayni paytda Turkiyada bo‘lib turgan O‘zbekiston fuqarolari bilan aloqa o‘rnatish uchun Bosh konsulxonada quyidagi telefon raqamlari ishlamoqda: +90 212 323 20 36, +90 212 323 2037, faks +90 212 323 20 40.

Shu bilan birga, diplomatik vakolatxonalar vatandoshlardan xavfsizlik choralariga rioya qilishni, gavjum joylarga tashrif buyurmaslikni, qo‘llarini tez-tez yuvishni va og‘izlarini chayishni so‘raydi.

Charter reys sanasi to‘g‘risida qo‘shimcha ma’lumot beriladi.

O‘zbekiston Respublikasi Tashqi ishlar vazirligining Operativ shtabi